Titre du site

Sou Kont X (Ansyen Twitè) li, Mèt André Michel di, Nou kontan anpil gen yon dezyèm gwoup Solda Kenyan ki rive nan peyi a Jodi Madi 16 Jiyè 2024 la.

« Nou gen plis pase 19 mwa n’ap repete menm bagay la. Lapolis ak Lame Dayiti pa gen kapasite pou mete Sekirite nan peyi a pou kont yo men m si yo gen Bòn volonte. Nou gen plis pase 19 mwa nap di peyi a bezwen yon Fòs Entènasyonal pou ede nou kraze gang yo », di Avoka Pèp la.

Malerezman aktè politik, toujou selon pòt vwa SDP a sou X, ki sou pouvwa a Jodi a pat dakò ak nou. Mwen byen kontan, li di, sila yo ki nan Konsèy Prezidansyèl la dakò jounen Jodi a a pou fòs la vini nan peyi a paske li pa janm twò ta pou w fè sa ki bon pou peyi w.

« Pozisyon nou pa chanje. Nou pa nan Dyalòg ak gang ! Pa gen amnisti pou gang. Li lè li tan pou tout Fòs entènasyonal la deplwaye nan peyi a ak tou gwo materyèl ki nesesè pou vini ede PNH la ak lame kraze tout gang nan peyi a alawonbadè », Repete Mèt André Michel.

Pou fini, Mèt André Michel di, SDP ap kanpe anfas kelkeswa moun ki chwazi rantre nan Koze Dyalòg ak gang kriminèl asasen yo.